Belhoritz elkartea

2023 urtarrileko hitza

 

Belhorritz kultur eta kirolaren inguruan animazioak antolatzen dituen elkarte bat da. Herritarren artean harreman sozial baten eraikitzea du helburuko, baita ere herriaren animatzea eta jendeen elkartzea.

 

2022ko aktibitateak horiek izan ziren :

- Frantziako Mus txapelketa ;

- Pesta berri ;

- aizkolari lehiaketa Arberoako gaualdien karietara. Elkarteak Izturitzeko arroltze moletaren lehiaketan parte hartu zuen ere bai ;

- pala lehiaketa arrabotuan (binaka) ;

- pala lehiaketa trinketan (bakarka) ;

- Halloween (komitearekin batera antolatua) : haurrentzako animazioak, makillaje, filma, gaualdi mozorrotua ;

- mendixka lasterketa 200 partehartzailerekin ;

- Euskaraldia (Izturize eta Donoztirirekin batera antolatua): herri kirolak GAIA elkartearekin, euskaraoké gaualdia.

 

Elkartekide guziek eskertzen zaituztete gure animazioetan parte harturik eta 2023ko urte eder bat ospatzen dizuegu !

Donamartiri eta bere ibarraren animatzea segituko dugu !