2024 urtarrileko hitza

Arberoa Ikastola, Donamartiriko Arberoa Ikastolan eskolatuak diren haurren burasoen elkartea da. Frantziako Hezkunde nazionalaren ardurapeko eskola da, Euskarazko murgiltze sisteman oinarritzen dena. 2023/2024 ikasturteko sartzea 56 ikaslerekin iragan da.

2023 urtea abiatu ginuen Arberoako ibarreko herritarrer zuzendu sustengu kanpainarekin. Otsailean, rougail-lukinka apairu saltzea etxera eramaiteko gisan antolatu ginuen. Urtebetetze kutxak ere proposatu ditugu, zorionak ! euskaraz ospatzeko xedez. Otsailean beti, Nerea Ibarzabal eta Amets Arzallus gomitatuz iragan zen bertso afaria Donamartirin. Martxoan, « Mandotik astora » Guillaume Irigoienen antzerkia eman zuten Izturiztar batzuek ikastolaren alde. Martxoan segitzeko, txontxongilo ikusgarri bat ere antolatu ginuen. Bazko kari, txokoleta salmenta ere izan zen eta maiatz hastapenean, « Alte Voce » korsikar taldearen kantaldia apailatu ginuen Armendaritzen. Ekainean, urte guziez bezala, « Hiru Zango »-ren ibilaldiak eskuz esku proposatu genituen Ezkia Ikastolarekin. Aurten Ursuia inguruan ibili ginen, Hazparneko Ezkiak 50 urte ospatu dituelako. Besta berri eta otaba kari, bixkotx salmentak iragan ziren. Gero, Arberoa Eguna, ikastolaren ikasturte undarreko besta Izturitzen izan zen. Eta uztailean, Donamartiriko besten idekitzea animatu zuen gure Arberoa Txarangak, mutxiko gaualdia eskainiz. Buruilean, marmitako menua etxera eramaiteko sukaldatu ginuen. Urrian, mus txapelketa ere eskaini ginuen Donamartirin. Eta Zarena Zarelakoren azken dantza ikusgarria ere ekarrarazi ginuen Hazparneko Mendealara gelara. Urtearen bururatzea markatu berri dute Tor Magoaren ikusgarriak, Eguberriko merkatuak eta Olentzero eta Mari Domingiren etortzeak.

Oroitarazi behar dugu, buraso batzuek osatu Arberoa Txarangak, aurten ere, dozena bat ekitaldi animatu dituela antolatzaile ezberdinek galdeginik.

Eskertzen ditugu ere hainbat elkarte, leku bat proposaturik beren animazioetan : Donamartiriko besta komitea eta Belhorritz, Izturitzeko Artetxea, Aiherrako besta komitea (freedom for Aiherra), Ezkia ikastola eta Arberoako Txaranga deitu duten elkarte guziak. Eskerrak ere urtean zehar laguntzen gaituzten herriko etxe ezberdiner.

Aurten 15 urte ospatuko ditu Arberoa ikastolak. Horren karietara, urtarrilaren 27an, kontzertu gaualdia Hazparnen izanen da. IZARO, Patxaranga eta Xutik taldeekin.